又係復活節去台灣〈六至七〉

2016年4月2日及4月3日

雖然上次已經去過一次野柳，但係上次係包車，今次搭巴士，
講真有少少擔心，不過好彩最後都成功到達啫。
好耐無見嘞！俏皮公主殿下，你好嗎？

今日陽光普照，係一個大好天，非常適合郊遊。

一舊一舊好似磨菇形狀嘅化石，大家都爭相去影相喎！

舊舊化石形態都唔同，配落海景真係好靚呀！

我記得上次都有見到佢，仙女鞋吖嘛。

仲有呢啲叫燭台。

加啲想像力啦！佢係一隻猛獸嚟架！

玩咗一個上午就預備離開啦，睇落好多車可以搭，
但係原來好難上到巴士，而且班次都唔算密，
後來有的士司機兜搭，最初我哋都唔理，但係真係好難離開呢道，
咁啱有一對星加坡情侶同我哋情況一樣，咁我哋就夾埋一齊包的士囉！
一齊包車平好多，舒舒服服就到咗十分嘞！

我哋請的士司機停喺十分大瀑布，咁就可以行少啲啦！
之前我嚟到，呢道係私人地方，要收入場費，
今次嚟到，呢道已經全面開放俾大眾免費入場，真係好呀！


返到十分火車站，朋友們都唔係幾想放天燈，於是我哋就決定返台北嘞。

返到台北又急急買吓手信，臨返酒店前買個鬍鬚叔叔芝士蛋糕返去宵夜先。

最後一日，為咗陪朋友，我將上午機改埋黃昏機一齊走，
咁今日又多半日啦！去台北101影張到此一遊先啦！

其實目的地係佢至啱：幾米月亮公車。

後面又要影......

前面梗係要影啦......

上車喇喂，Bear Bear司機要開車嘞！

唔駛客氣，大家隨便搵位坐，或者去圖書櫃攞本書睇吓先啦！

企穩啲，扶好呀！

如要落車，記得要㩒鐘呀！

咦！果邊有個小男孩抱住個月亮，好似好寂寞咁嘅。
其實景點就只有呢架巴士，影極15分鐘都走得啦！

如果話今次旅程第一個主題係幾米，咁第二位應該係line friend啦！

呢間大好多，貨品種類都多好多，呢個話係best buy喎！

呢啲又好似幾靚，啲質地好似以前嘅嗽口杯噃。

嘩！好閃呀！係名貴首飾呀！

返到酒店附近，食埋個Lunch先至去機場，
呢個台北宜蘭之旅就完滿結束嘞！

又係復活節去台灣〈五〉

2016年4月1日

去過晨露莊嘅旅客，都會評價：1. 呢度好有人情味；
2. 庒爸庒媽超好人；3. 間屋好靚；3. 早餐非常之好食。
第一同第二點已經印證咗，今日我就嚟試埋第四點先。
一落大廳，見到我哋三個人嘅手工早餐，就已經嚇咗一跳，
我估庒媽一定要好早起床預備嘞！
除咗樣靚，味道都好好架。

食完呢個好豐富嘅早餐之後，上去收拾行裝今日走嘞！
不過一場嚟到，梗要搵啲嘢玩吓先啦！
庒哥就介紹我哋去「宜蘭綠色博覽會」。
而且庒媽好好，叫我哋將行李寄存喺民宿，
玩完打電話俾佢，佢叫庒哥車去火車站俾我哋。

其實博覽會裏面好似香港花展之類嘅展覽咁，
鍾意花草樹木大自然嘅朋友，不妨去玩玩。

今日就有一班幼稚園小朋友嚟戶外學習啦！

老友，合個照先！

有啲裝置幾得意，但都唔知有無用途架。

用飲管做成嘅三星蔥田野景，好有代表性喎！

地方好大，要跟住地圖走，呢處叫做銀柳步道。

附近都有得shopping架，例如可以買米啦！

「米滿」，又即是「美滿」。

另一邊，有一班年青人集合一齊玩激流，好似好好玩咁喎！

穿過長長嘅瓜棚，葉片咁稀疏，有無瓜呢？

嘩！係雙色嘅南瓜呀！

呢個又係第二種形態嘅南瓜？

其實好多設施都無說明，即使咁靚都唔知係咩。

今日行程，完滿結束嘞！搭巴士返羅東客運站嚕

返到客運站，先去附近食個簡簡單單嘅午餐先，
等咗一輪，原來庒哥唔得閒，最後係庒嫂送行李俾我哋架。

又係復活節去台灣〈四〉

2016年3月31日

今日離開礁溪向羅東進發。

瞓醒向窗外睇吓，見到對面有一間溫泉旅館居然有滑水梯喎！

酒店早餐嘅地方，佈置簡簡單單。

 自助形式，選擇都幾多啦！

 呢啲就係在下份早餐嘞。

 食完早餐寄存行李去附近行吓先，樓下就有靚靚影相位啦！

 行去路口，有簡單嘅指示路牌，跟住行就得嘞！

 先去辣椒文創館，賣嘢都要有啅頭，好似呢道咁，

加多啲冷知識，啲客都買得開心啲啦！

 呢度有大量辣椒產品，我都買咗支好辣嘅辣椒油俾同事食架！

 再加埋到處都有呢啲影相位，都吸引唔少遊客架！

 行多幾步就係湯圍溝溫泉公園嘞！

可以玩吓溫泉魚體驗館，俾魚仔咬吓腳皮，不過我就唔敢嘞！ 

 如果怕魚仔，又可以免費浸吓腳。

 四圍都見到呢啲溫泉蕃茄，形狀係好特別嘅。

 之後行咗去礁溪溫泉公園，裏面有個森林風呂。

 朋友們都唔想入去，所以只可到此一遊囉，

下面係入場費，聞說2016年11月起已經由宜蘭縣政府收番，

所以票價已經唔同咗，變咗80台幣就可以入場嘞！

 呢度分男湯女湯，而家一個價錢可以入去任浸。

 礁溪溫泉公園都有好多足浴嘅地方架。

 返去食個超平價午餐先，然後返去酒店拎行李同礁溪講拜拜嘞！

 今日住晨露莊，去到羅東火車站打電話俾莊主，

佢哋會有車嚟接我哋架啦！

 民宿外形係咪幾靚呢？網上評價好高架！

 門口有個休憩區，不過都無坐過，一來唔夠時間，二來太多蚊滋嘞！

 其實環境都真係唔錯嘅，如果無蚊滋都想喺度食吓下午茶架。

 大廳係公用地方，由於屋主庒爸庒媽一家人都係住喺度，

所以公用地方嘅陳設都好生活化，好有家嘅感覺。

 另一邊有個小偏廳，坐喺小板櫈上茗吓茶都應該幾寫意喎！

多數民宿都會有留言冊，呢度居然已經留到第18本喎！勁呀！

 上到二樓，喺公眾地方都有啲寧靜嘅小角落。

經過其他房，參觀吓先，原來呢間係子母床，小朋友最Like啦！

 另一間係雙人床房間，佈置好溫馨好舒適。

 好多細緻位都令人好窩心架！一行去床頭已經有受歡迎嘅感覺嘞！

 呢間房可以住5個人，呢邊有兩張雙人床，另一邊仲有兒童床。

 床尾係一個客廳，勁舒適，坐落去就唔想走嚕。

 民宿同樣提供奶茶咖啡，而且啲杯同匙羹都好鬼靚。

 閂埋個閘，成個小天地就係屬於我哋架嘞！

 安頓好，想出去玩玩，嘩，外面有咁靚嘅田野風光噃！

 民宿後院有大量單車，免費借用，咁我哋一於：

大眾踩單車郊野上，良朋共享身心舒暢......

 沿途風景好靚，可惜蚊患都好嚴重吓，

有啲位我直情想用洗衣袋笠住個頭呀！

 返到民宿後，庒哥好熱情問我哋想去邊，知我哋想去夜市，

就拎出手繪地圖，話我哋知有邊檔係必食，然後又幫我哋叫的士，

去到羅東夜市，我估已經係羅東最熱鬧嘅地方嘞，

唔信？睇吓連病人推住鹽水袋都要嚟食喎！

 第一站去食蔥油缾，都係庒哥推介，真係堅好食喎！

 好食到我哋行完食完夜市一轉，最後再返轉頭外帶返民宿架！

 之後去食花生卷冰淇淋，我鐘意食花生製品，所以都俾個Good佢。

 用潤餅包住雪糕球再加上花生糖碎同香菜，係一個特別嘅組合。

 跟住食我最鐘意嘅杏鹽酥鮑菇。

 雖然好熱氣，但係好好味！