見到條車龍，就知我哋又番到嚟人多車多嘅曼谷啦！
嚟曼谷，我最鐘意住呢道嘞！Hello, Teddy！
我又嚟啦！The Cape House Service Apartment。
最鐘意佢有廳有房地方又大又乾淨。
有大飯廳有廚房，一大班朋友就啱曬！
小朋友都要表演一下廚藝咁喎！
15樓唔係有牛牛，係有免費下午茶。
地方好舒適，朋友們都好鐘意。
食物質素都幾好架！
食飽去碼頭坐船。
目的地就係Asiatique夜市。
嚟果時風和日麗，點知走果時大風大雨，
大班人等搭船，好擠迫，
即使上到船，又拋到七彩，好恐怖。
一家人，影張大合照先啦！
影完呢張相，大家各自去買心頭好，
然後又約埋一齊睇咗場人妖show，
唔駛講，在下梗係瞓到死咗啦！
第二朝，食完早餐hea一陣，就去咗Terminal 21。
行咗一陣，主要係幫朋友買kiss me doll，
然後又去Gourmet行吓入吓貨，就急急腳返酒店嘞！
點解？因為諾怡上吐下瀉，乜都食唔到，
除咗食雙飛人，姑姐唯有返去煲粥俾佢食啦！
再配埋今朝喺Gourmet買嘅飯素，希望佢食到啦！
點知，果頭食完，果頭就衝入廁所全數嘔番出嚟。
兵分幾路，喺我返酒店嘅同時，
有人就留喺酒店游水同食免費茶點，
有人就留喺房瞓番夠本，
有人就去咗另一個地方，咁靚嘅？
原來佢哋行咗去水門食海南雞飯。
仲外賣幾盒返嚟添，好唔好食，見仁見智啦！
當晚，由於一早book好buffet，無得退，
唯有將諾怡留喺房，我哋照去啦！
食物就一般般，不過夜景超級靚喎！
年輕就是就滿力量，第二日，諾怡成個精神晒。
仲好興奮咁跟我哋去shopping，第一站去Thann。
真係俾香港平好多，我都買咗個俾自己。
去Big C入口，有個做鎖匙扣嘅攤檔好吸引，
我哋喺道做咗大量鎖匙扣做手信。
話咁快到最後一晚嘞，
諾怡話第一次自己全程揸主意shopping，
好爽喎，要影張相紀念吓。
我就一如以往，將啲手信堆起喺櫃裏面。
搞成晚，終於執到靚靚仔仔，影張相先！
泰國係一個又平又好玩嘅地方，相信好快我又會再嚟嘞！
