第二天：2013年2月10日〈年初一〉
我哋住果間飯店，離捷運行天宮站只有一分鐘步程，
可能唔及台北車站咁多人，但係呢幾日呢度都好旺吓，
因為過新年好多台灣人都會去廟宇拜拜吖嘛。
由於其中一個朋友仔扭傷咗條腰，加上尋日又咁粗勞，
最後，佢決定要留喺飯店休息，好可憐呢，
但係命仔緊要，休息吓總好過勉強出去再傷啲，
咁我同另一個團友就二人成團出發嘞！
第一站去『松山文創園區』，咁有文化氣息？
我哋住果間飯店，離捷運行天宮站只有一分鐘步程，
可能唔及台北車站咁多人，但係呢幾日呢度都好旺吓，
因為過新年好多台灣人都會去廟宇拜拜吖嘛。
由於其中一個朋友仔扭傷咗條腰，加上尋日又咁粗勞，
最後，佢決定要留喺飯店休息，好可憐呢，
但係命仔緊要，休息吓總好過勉強出去再傷啲，
咁我同另一個團友就二人成團出發嘞！
第一站去『松山文創園區』，咁有文化氣息？
出咗捷運站，睇吓個GPS，好快就見到線索嘞！
隨咗人肉路牌，沿途都有清楚指示牌嘅。
到嘞！到嘞！係我喺香港都無睇嘅多啦A夢展呀！
呢架係售票嘅van仔，真係好可愛呀！載唔載客架？
同樣都係人山人海，不過，感覺良好，
無叫囂、無打尖、無霸位、無破壞......
反而啲家長都教到啲小朋友識得輪候同禮讓添！
地方細細，一陣就行完，不過有好多場境真係幾靚嘅。
但係就鐘意睇多過買，分明就係額頭刻住『運吉』二字啦！
以下兩件我好鐘意，但係都忍到手唔買喎，幾叻？
第二位：夢幻胖虎馬克杯，NT990，
聽講香港展出時都有，而且一度斷市，
嘩！胖虎靚仔成咁，簡直人見人愛，車見車載啦！
唔買嘅原因係：怕佢入面岩岩蠶蠶好難洗得乾淨。
第一位：多啦A夢精裝麻將組，NT4500，
之前喺夜市見到史廸仔同多啦A夢麻將都已經好想擁有架嘞，
今次見到，開心到飛起，但係......
咁重，拎死人咩？都係放棄把啦！
離開展館行返去捷運站途中，見到警察局門內有一排櫻花喎。
呢次嚟嘅其中一個目的，係想搵吓邊度有櫻花睇架，
雖然有鐵欄圍住，但係喺無心理預備下見到，都好開心吓！
見到啲民眾擒晒上警察局個圍欄上面影相，
而警員叔叔就若無其事咁企喺入面當值，都幾搞笑吓！
大家都肚餓嘞！今日午餐係：牛肉麵。
食完又起程嘞，每次嚟都好想踩單車，
不過唔係行程唔啱就係天氣唔好，今次都踩唔到，
我會喺我仲有氣有力嘅時間，去一次低碳之旅嘅。
朋友第一次嚟，梗係要順路行吓去101啦！
不過，真係行吓架咋，入面名店林立，唔啱死窮鬼架！
兩隻嘢都攰到死，於是搭的士返飯店會合可憐嘅朋友，
我哋決定去士林掃嘢食，朋友覺得今日抖咗一日，
應該可以應付，於是我哋就三個人一齊出發lu！
行咗半個圈，朋友已經頂唔順嘞！
因為，過新年真係太多遊客嘞！
大家咁耐朋友，我梗知佢哋心意啦！
於是，最緊要......快！
老闆，我要呢樣、呢樣、果樣......外帶！
一下子，就滿載而歸，返飯店舒舒服服慢慢食啦。
