第二天〈上〉，酒店篇

12月27日〈星期二〉
今日一早起身，要清清楚楚睇吓間酒店先！


酒店就係座落呢條大路嘅旁邊。

酒店大門唔係幾起眼，而且又新，
所以司機一般都唔知點嚟。

好彩佢啱啱喺著名嘅Anantara旁邊，
所以搭的士時同司機講喺Anantara隔離，就肯定識路嘞！




酒店對面有個類似美食中心嘅地方，但係尚未開張。



呢度係入口候車處，雖然唔係幾近市中心，
但係好彩每日有幾班shuttle van到市中心。

小小大堂......

唔知點坐好嘅梳化......

成棟酒店就係靠住呢個泳池而起。



呢3日我就係住喺呢間115嘞，
我book房時講明唔要101同102，
因為太近餐廳，唔可以直接跳落泳池。



房門外走廊，呢度真係好靜好舒服架！

餐廳旁曬太陽嘅躺椅，實有位......

小小健身室，只有3件器材，無教練、無任何staff、
冷氣？電視？自己隨便開啦！
想飲水？喺雪櫃自己攞啦！好free！






我哋總共book咗3間房，大家日日打開度門，
一齊攤喺度~~~~~Hea！

雖然我間房可以直接跳落水，但係由於太凍嘞！
我始終都係~~~~~無落到水，下次要夏天至嚟。

睇咗咁耐，去食個早餐先，
呢度就係每日放早餐嘅地方。




D檯set得好靚，因為我哋6個人，要拍多張檯一齊，
第二朝，D Staff都主動幫我哋預備好呢張特別檯，
不過，每日都有好多蒲公英陪住我哋食早餐。



地方雖小，但係早餐都幾好！

居然有冬瓜粒湯同白飯，Yummy！

食完早餐又hea咗一大輪，
下午出發去市中心逛逛先！

第一日：起飛！

2011年12月26日〈星期一〉

喺物價高昂嘅新加坡之旅之後，一早決定要去泰國吃喝玩樂，

過皇帝式生活......七日，

開始搵package果時，仲未有水災，

D package貴到飛起，

難得揾到學聯，酒店兩晚送一晚，一於扑鎚，自己再book三晚華欣，

一切落實，點知一場水災，身邊朋友不斷嚇我哋，

但係我哋幾個一啲都無受影響，

終於......今日如期起飛嘞！


呢個package唯一唔好，就係下午機，去到都已經4點45分。

好多年無搭過泰航，非常滿意呢！

飛機餐，一般啦！

一落機已經好有渡假feel~~~~我嘅意思係啲海關呀，慢到吖！
個司機喺機場都等咗成粒鐘，但係佢個樣好似已經慣咗咁，
慢 - 應該係呢度嘅文化。
呢次喺網上揾到間公司book咗架van，價錢係咁多燴之中最平，
曼谷至華欣雙程bht5000，
之前喺網上同佢溝通，問佢架車有幾大，佢點都唔答，
我哋6個人，如果佢俾架7人van我就唔掂嘞！
點知原來架車係可以坐11人嘅，仲好新添！大家都好滿意！
曼谷到華欣3個小時車，大家由黃昏6點上車，
到8點都有D餓，司機哥哥喺中途站俾我哋落車，
估唔到，嚟到泰國第一餐居然係~~~家鄉雞。

9點鐘，終於去到酒店嘞，
呢度就係嚟緊3晚我哋會住嘅Best Western Plus Serenity，
點解揀佢？因為平囉，原來華欣book酒店好貴架！
職員英文一般，但係態度好友善，夜涼如水，好舒服。

雖然呢度只係一間細細間嘅渡假酒店，
但係都有送行李嘅服務架。

終於入到房嘞！房間都尚算寬敞，
最大賣點係：前面個露台，點解？聽日自有分曉。

一波未停，一波又起。

從來都未試過農曆新年去旅行，

因為覺得好貴，

但係，人點都要有轉變，

適逢呢次價錢同航班咁吸引，點忍？
http://www.jalselect.com.hk/upload/package/868161466569.pdf


好啦！泰國返嚟之後，就會投入去plan行程嘞！

9歲，生日快樂！

11月27日〈星期日〉

諾怡9歲嘞！

今日約埋嘉頤姐姐一齊去世界排行第四高嘅......天際100。

居高臨下，所有大廈喺我哋腳下，都變到好似積木咁。





兩個人喺度消費，好似睇得好開心咁喎。

遊客生意，周圍都標榜香港特色。

仲有好有質感嘅砵仔糕。

無香味但係好搶眼嘅雞蛋仔。

呢度係唯一有排隊安排嘅影相位。

俾咗咁多錢買飛，點都捱到睇埋日落先。

夜晚食完飯，甜品先至係主菜。

呢個係姑姐嘅......心太軟。

 

 

第二集：『空から降る一億の星』

第二最愛，

都係較為冷門，

都係深津繪里，今次搭木村拓哉，

劇名係：『空から降る一億の星』，

係2002年播出嘅日劇，香港都有播過，

套劇有少少懸疑；有少少浪漫；有少少有違常理；

結局更是令人難忘，可惜，同樣是無緣再睇第二次。

不經不覺100日

不知不覺間，允怡就100日嘞！
姑姐每日過住非人嘅工作生活，同允怡相處時間唔算多，
但係，有時睇住到嘅變化，真係覺得好神奇同充滿期待。



雖然係好細微嘅事，但係喺父母眼中，都顯得好重要，
呢幾日，佢除咗食手指外，仲發覺咗手指有另一個用處，就係：玩！

除咗有時有DD扭抱之外，允怡都係一個好鍾意玩同好鍾意笑嘅小朋友嚟嘅！

宜家興搞百日宴，我哋都趁吓，同嫲嫲一齊去咗如心酒店食lunch buffet，慶祝一吓！

三姊妹嚟張合照先，允怡表情最蠱蠱惑惑，俾你嬴咗一個回合！

成家人齊齊整整正正經經影相合照先，第時返幼稚園D老師實會叫你交返學校做手工架。

第一集：最高の片想い

呢個題目想寫好耐，因為我怕會忘記。

從『校園啦啦隊』開始就睇日劇，

套劇唔係特別經典，

但係唔知點解，我好記得三原順子，

後來，因為屋企有Cable，常常睇到大量日劇。

第一位最愛日劇，係非常冷門嘅：

『最高の片想い』，〈港譯：白雪情緣〉

成套劇都係白皚皚嘅冬天做背景，

再加上我最鐘意嘅深津繪理同本木雅弘，

有乜辦法唔俾佢排第一？

但係好可惜，咁多年都無見到重播，

VCD、DVD、網上電視都搵唔到，

而家想重溫都無辦法lu！

2011華欣曼谷聖誕勁Hea之旅落實

聖誕之旅一切落實嘞！

首先，參加咗學聯個泰航package，

聖誕價錢已出，都OK，淨價$3000左右，

包兩晚酒店，另加送一晚，仲有專車接送到曼谷機場，

可惜係下午機，去到已經係16：45。



先去華欣嘆吓抖吓Hea吓，唔會有乜嘢特別行程，

聖誕期間，華欣D酒店同Resort貴到飛起，

本來睇中Sea Creat，貪佢地下D房一踏出露台就可以直接跳落泳池，

而且價錢優惠，每晚連稅都係$1100/房，

Send個E-mail問吓啦，點知，已經滿晒，

再搵再搵，搵到Best Western Plus Serenity，

呢個酒店名好親切，因為上年去北海道都係住Best Western架，

我相信佢嘅服務水準，仲有佢係今年5月新開，所以都幾平，每晚$1150/房，

最重要係：佢都係打開露台個門就直接插水入泳池架嘞！

美中不足係：離市中心同 Night market 都好遠。

喺華欣住3日後，轉戰曼谷，

一別幾年，梗係要返曼谷血拼一下啦！

酒店Package包嘅酒店：Cape House，

普通房滿晒，於是加錢住one bed suite，

Apartment型式，有廚房同洗衣機係重點，

個間隔就好似一個屋企咁，有房有廳，

對於呢間，真係有D期待呢！

重有，呢度都好近BTS，聞說行過去只需要5分鐘，

而且附近仲有按摩，好方便。



一切落實，只欠book車，

暫時close file，80日後至出發。

泰國華欣曼谷Hea遊 ~~~暫定

還是覺得『泰國』好

經過一輪資料搜集，最新決定：

今年要過一個熱辣辣，Hea到盡嘅聖誕假期。

暫定行程如下：

香港→曼谷機場→華欣〈住3日〉

→曼谷〈住3日〉→香港

行程好簡單，內容係：Hea！

呢次嘅特色係：要住得好！

華欣：The Sea-Cret Hua Hin，

係果種打開露台隻門就跳落泳池游水果種；

曼谷：Cape House Serviced Apartments，

係果種有廚房同洗衣機果種酒店式住宅。

雖然已經決定好，但係，我唔可以開心住，

因為，而家要等旅行社覆酒店同機位，

好緊張呢！希望呢個禮拜內有消息啦！