12月28日〈第三日〉
一早起身，再去浸多陣先，一陣仲要去食自助早餐嘛！
全個行程淨係今日有酒店早餐食架咋，要離開呢間酒店，真係好唔捨得呢！
第一站要去熊牧場，諗起條斜路都驚，多口問吓酒店，原來有免費 shuttle bus
去纜車站架，即call即到，專車車我哋3個人上去，回程都有，Lucky！
入場後見無乜人，百厭星朋友將枝可樂埋喺雪地，諗住走果時掘番出嚟，
到時就有冰凍汽水飲啦！果然，玩咗幾個鐘走番出嚟，枝可樂仍然原封不動。
睇完小熊表演就去落注玩賽鴨，我見黃色咁修身，就買佢啦！
終於.........Yeah！獨贏呀！派彩係：黃色小毛巾一條。
去餵吓D懶惰熊先，佢哋會做D動作引人俾食物佢哋，但係就懶到飛起，
D食物掉到去面前至食，遠小小都唔執，益晒D烏鴉。
睇吓隻熊掌，俾佢星一巴肯定當場暴斃。
無聊人鐘意做D無聊事，我要記得讚吓對雪靴，好輕、好暖又唔跣，
喺雪地都只係需要著一對襪就得嘞！淘寶百零蚊貨仔，真係好抵，不過如果係去自由行嘅朋友仔，
其實去到日本至買仲好，周街都係二三四百蚊都有，而且款式極多，任試唔嬲。
喺雪地都只係需要著一對襪就得嘞！淘寶百零蚊貨仔，真係好抵，不過如果係去自由行嘅朋友仔，
其實去到日本至買仲好，周街都係二三四百蚊都有，而且款式極多，任試唔嬲。
左邊係我對鞋印，D紋係咪好深呢，實際上係同體重有關嘅，哈哈！
地獄谷就喺酒店後面，順便到此一遊。
好有氣氛嘅地標，必影景點之一。
咁壯觀嘅情境，相機係無辦法可以留得住嘅......仲有果陣味......
真係要離開啦！酒店工作人員幫我check好巴士時間表，多謝晒！
巴士站就喺酒店旁邊，好方便，而且非常準時到達。
每人喺上車時抆一張乘車劵，按照車頭嘅收費表入錢，唔夠散紙都唔緊要，
司機位旁邊有得唱，落車時將乘車劵同錢一齊放落入錢箱就得嘞！
就係呢架巴士，非常舊款，但係搭15分鐘到都要330円，即係三拾幾蚊，
如果喺香港可以由天水圍出旺角再回程嘞！呢度嘅交通費真係貴到飛起。
返到登別火車站，再check一次班次，放好行李喺locker就去Nixe玩嘞！
其實呢度真係好舊，行嚟行去都見唔到工作人員，好似人手不足咁，
不過因為買二合一套票抵D，而且佢又有企鵝巡遊，咪即管一去囉！
喺呢度終於見到一大班香港人lu，亦因為咁，雖然人少少但係嘈到拆天，
而且有幾個家庭都相當滋擾，不斷走入企鵝巡遊路線影相，
工作人員果頭勸籲完，唔夠5秒又一家4口再走出走，到企鵝去到附近，
另一個家庭嘅媽媽大叫：
『呀仔！拉開條繩捐入去影相啦！去啦！〈重覆又重覆......〉』嚇得我吖！
睇完動物園就喺登別搭JR返札幌lu，反正有時間，去狸小路走一轉。
買吓買吓就買咗二萬円，好彩呢度免稅再9折，慳番少少。
預告：聽日要好早出發，因為要去搭旭山動物園號呀！好緊張呢！
。
。
。
