話咁快就第三日嘞，開始有D唔捨得添，由今朝起身開始，我就不斷話要去游水游水游水............
因為我深信，只要講一百次，就算無人答應都係可以成真嘅！
今日真係要喺湖畔食早餐嘞，因為入面無晒位吖嘛！都未開始食，你睇我滴汗。
為咗要去游水，我要好努力將呢碟野食晒！
今日再繼續去視察吓，呢架高爾夫球車幾靚喎，影張相先，原來喺旁邊仲有得租單車同麻雀房架。
呢架車停正喺大門口，聽講住客可以租架，好似話600蚊一日喎，幾豪！
小休之後再出發，今日豪西餐廳，第一味海南雞飯，麻麻哋好食。
呢個係牛𦟌，OK啦！
迷你pizza，都係ok啦！不過埋單都要400幾喎，酒店餐廳即係酒店餐廳！
偷運一個麵包出嚟餵吓魚先。
睇吓佢哋幾熱情！
今日再去泳池，我好有信心學識游水架！
觀察吓人哋點游先！
游吓游吓，我游到去對面岸喎，好野，我識游水lu！
游得攰攰哋，喺池邊休息吓先。
游水真係好好玩架，返到香港我都要去學游水。
上午視察完之後，我哋返房沖涼先，因為行一個圈已經成身汗，所以日日都要沖幾次涼架。
小睡一陣之後，我哋每人食咗個杯麵做午餐，然後就攞齊玩具食物去玩lu！
第一站先嚟泳池，睇吓我嘅裝備幾充足。
我哋仲帶埋水槍，不過爸爸媽咪夾攻我，所以我俾佢哋射到成面水，
我唔夠佢哋快，唯有將支水槍當警棍咁用嚟打人囉！
呢度係室內人造沙灘，D沙好幼，可以用工具模印到D圖形架！
玩完泳池就向沙灘出發，繼續執貝殼。
呢度D沙粗好多，堆極都堆唔到堡壘，不過我都好鐘意玩。
呢個椰青真搞笑，係坐坐吓睇住佢由樹上跌落嚟架，所以我哋都唔敢喺椰樹下面行過，我試過呢個椰青水D都幾好味。
悠閒嘅下午，瞓吓吊床，真係舒服！
玩到好攰，返酒店露台浸個豆乳溫泉先。
一日過去嘞，浸住溫泉可以睇到日落架。
夜晚去啤酒屋食飯，網上都有人推介，但係我覺得麵包幾好味之外，其他野都麻麻地，
我哋好早order德國咸豬手，但係佢轉頭居然話無喎，咁點做招牌菜呀？大佬！
最後埋單差不多500蚊，真係唔抵囉！cher返杯順順氣先。
第二日，所有團友都隨團出去，佢哋會去亞龍灣，
食椰子宴同埋買手信，但係我哋就決定留喺酒店好好玩餐飽嘞！
尋晚咁夜check in，都無好好睇清楚間酒店，先由房間行出去，呢度真係好優靜。
落去游泳池嘅長樓梯。
湖畔食早餐嘅地方。
自助早餐，OK啦！
西餐廳無位，所以喺龍苑食，不過都可以喺西餐廳自由出入攞食物。
睇吓我今日幾咁醒神。
到處都有靚靚嘅花。
偷偷哋做吓gym先，因為呢幾部機要著波鞋嘅大人先玩得架！
視察完室內設施，出去私人沙灘睇吓先，呢個係今次重點目標嚟架嘛，一見到D沙，我就忍唔住衝落去玩吓嘞！
而呢D冬菇亭就係大人最鐘意嘅地方，私人沙灘真係好，無人同你爭架。
爸爸話我唔可以出去游水，因為呢度D浪太大嘞！不過如果跟住大人，都可以出去執吓貝殼同踏吓浪嘅！
我執到兩個小貝殼呀！
今次我同爸爸、媽媽、姑姐、Ｃｉｎｄｙ一齊去海南島旅行，我第一次跟旅行團，好緊張呀！
上午１０點幾飛機，喺候機室等上機，先同飛機影張相先。
出發前天色昏暗，個天好似唔係幾開心喎！
上機ｌｕ，影張相先。
天上嘅白雲好靚呀！
１個鐘頭機程，你睇，好接近地面啦！
機場造型係個大菠蘿，幾得意！
食完午飯第一站去睇珍珠，然後就嚟鹿回頭風情園，聽呀黑哥介紹吓Ｄ植物同風族。
睇吓Ｄ鹿，佢哋好似好肚餓咁。
佢哋係咁行埋嚟，搞到我呱呱叫。
飲完好好味椰青，跟住仲去咗睇軍刀，然後去大東海望咗一眼，之後就去超市入定呢兩日嘅貨。
晚飯自己加錢飲咗個椰子焞雞，３０蚊一個，真係好好味。
仲有好香嘅椰子飯。
食完飯返酒店啦，我哋住三亞凱賓斯基渡假酒店，呢間酒店真係好靚好靚架！
以上呢Ｄ就係呢幾日嘅儲量勒，仲有水果同埋十幾樽汽水都未入鏡，不過一Ｄ都唔誇張，因為我哋會喺度住幾日嘛。
仲有好重要嘅泡泡浴、面膜同溫泉粉。
停課期間，繪畫比賽是老師給我們的其中一樣功課，
題目是停課期間一個令我難忘的活動，而我第一時間就想到：父親節派對。
以下呢幅就係我嘅作品，我畫咗三日架啦！
坐喺中間果個係我，手瓜起𦟌嘅係我爸爸，長長眼睫毛嘅係我媽咪。
右手邊嘅係嘉頤姐姐，旁邊戴眼鏡嘅係我姑姐，檯上黃色果杯係檸檬茶，因為姑姐最鐘意飲。
著吊帶裙嘅係細姑姐，佢上次嚟我屋企時肚裡面有個ＢＢ，所以著住大肚裙，旁邊果個係佢老公。
呢個係我屋企嘅鋼琴，旁邊嘅花邊係我設計嘅，因為咁樣可以特別Ｄ。
最後呢個就係我屋企嘅大電視勒！不過唔係高清果ｗｏｒ！
今日學校公佈結果啦！
登登登櫈‧‧‧
好開心！我得到高級組冠軍勒！
