停課期間，繪畫比賽是老師給我們的其中一樣功課，
題目是停課期間一個令我難忘的活動，而我第一時間就想到：父親節派對。
以下呢幅就係我嘅作品，我畫咗三日架啦！
坐喺中間果個係我，手瓜起𦟌嘅係我爸爸，長長眼睫毛嘅係我媽咪。
右手邊嘅係嘉頤姐姐，旁邊戴眼鏡嘅係我姑姐，檯上黃色果杯係檸檬茶，因為姑姐最鐘意飲。
著吊帶裙嘅係細姑姐，佢上次嚟我屋企時肚裡面有個ＢＢ，所以著住大肚裙，旁邊果個係佢老公。
呢個係我屋企嘅鋼琴，旁邊嘅花邊係我設計嘅，因為咁樣可以特別Ｄ。
最後呢個就係我屋企嘅大電視勒！不過唔係高清果ｗｏｒ！
今日學校公佈結果啦！
登登登櫈‧‧‧
好開心！我得到高級組冠軍勒！
6月2日，我哋喺校園其中一棵樹上面發現咗13條毛毛蟲，每一條都好似朱古力手指咁大條，
我哋捉晒佢哋落嚟，放喺一個箱仔入面，當時13條一齊，都真係幾恐怖。
我哋興致勃勃咁諗住養大啲毛毛蟲，希望佢會變蝴蝶，但係可能係我哋唔識點照顧佢哋，
幾日後，只係死剩一條，就佢上圖青BB果條勒，佢係老大。
喺呢個時候，我哋再發現咗兩條好細嘅蟲BB，佢哋係呀肥同呀細。
幾日後，老大開始吐絲勒！睇吓，喺佢身上幼幼嘅白色絲，睇到嗎？
十幾日後，老大都係無乜改變，但係呀細就大得好快，比幾張佢為食大特寫大家睇吓！
6月19日，呀肥開始吐絲勒，佢仲識得用樹葉遮住自己，真係醒！
我忍唔住掀開塊樹葉睇吓，佢而家白雪雪，好似充滿蛋白質咁！
而老大呢，呢日佢變得唔尋常咁黑，好似有事要發生咁！
6月20日，睇吓老大先，點解唔同咗嘅？無咁黑喎。
原來搞錯咗，上面果個係呀肥，咁老大呢？佢喺下面，不過......得番個殼！
因為佢已經出世勒！睇吓佢個肚仔？
仲有背脊......
但係，究竟你係飛蛾定蝴蝶呢，係咪對翼未張開咋？我哋一直用養蝴蝶嘅心情期待你出世，
今日你終於同我哋見面勒，無論你係蝴蝶定飛蛾；係天鵝定係醜小鴨，我哋同樣咁開心！
話說，有一天，正值冬天，在69X巴士上，車內坐滿人，諾怡坐在近上車位置的橫向坐位，姑姐站在她前面，諾怡直直地、狠狠地瞪著對面坐位的方向，雖然姑姐背向對面坐位的方向，不知有甚麼特別好看，但是當然知道，諾怡又在『撩事鬥非』了。
姑：『你做咩呀？係咁望住人。』
諾〈仍然狠狠地〉：『姑姐，對面個恐龍叔叔真係好奇怪，一直笑笑口望住我！』說時一直沒有望過我。
姑：『恐龍叔叔？咁你都唔駛望住人架？無禮貌架！』心想：恐龍叔叔？一定是一個穿著恐龍T-shirt嘅人啦！
諾〈仍然狠狠地〉：『我要𥇣住佢！』
終於到站了，因為好奇心，促使姑姐在臨下車前看了恐龍叔叔一眼，看後心中一驚，但隨即又覺好笑：所謂的恐龍叔叔，其實是一個在冬天的時候，穿著緊身背心，展示雙臂長長兩行龍圖案紋身的大漢，落車的一刻，諾怡在落車前故意在樓梯邊停下，以囂張挑釁的眼光由上至下向恐龍叔叔再掃瞄一番，而對方的表情又確是似笑非笑。
親愛的小姪女：
還好當時你只有五歲；
還好當時在你身邊的是一個女流；
還好當時是繁忙時間；
還好那位叔叔的視力和觀察力可能不太好，
否則......
現在強列要求：請你不要再撩事鬥非了！
呢個周末，嫲嫲同嘉頤姐姐到我哋屋企玩，諾怡玩得好開心。
中午，嘉頤同佢一齊做手工，佢哋用壓花機將顏色紙壓出不同花紋，
為小王子設計靚衫，第一次用壓花機，初時覺得有D難度，
有少少想放棄，用報紙練習完，熟習咗就用色紙做！
諾怡佢等咗好耐，想嘉頤姐姐嚟同佢打羽毛球，因為係諾怡第一次打羽毛球，幾搞笑。
晚上，嘉頤姐姐決定喺度瞓一晚，好開心呢！諾怡仲第一次玩大富翁添，玩到晚上12點半，真係盡興！
中午一齊玩電腦game。
一齊合作做手工。
幫小王子設計件靚衫先，諾怡話：王子要加披肩架。
登登登登，王子出場啦！
有姿勢，至於實際......
『你咁架，唔啱架，個波都唔打落人哋個拍度，咁人哋點打呀？』〈真實對白〉
