呢個周末，嫲嫲同嘉頤姐姐到我哋屋企玩，諾怡玩得好開心。
中午，嘉頤同佢一齊做手工，佢哋用壓花機將顏色紙壓出不同花紋，
為小王子設計靚衫，第一次用壓花機，初時覺得有D難度，
有少少想放棄，用報紙練習完，熟習咗就用色紙做！
諾怡佢等咗好耐，想嘉頤姐姐嚟同佢打羽毛球，因為係諾怡第一次打羽毛球，幾搞笑。
晚上，嘉頤姐姐決定喺度瞓一晚，好開心呢！諾怡仲第一次玩大富翁添，玩到晚上12點半，真係盡興！
中午一齊玩電腦game。
一齊合作做手工。
幫小王子設計件靚衫先，諾怡話：王子要加披肩架。
登登登登，王子出場啦！
有姿勢，至於實際......
『你咁架，唔啱架，個波都唔打落人哋個拍度，咁人哋點打呀？』〈真實對白〉
４月２７日星期日，天陰陰，雨毛毛，我地偏偏揀左今日去海洋公園，
好處係無咩人同我地爭，大部份地方都唔駛排隊。
今次係諾怡第二次去海洋公園，而家佢大個左，所以主力想帶佢睇多Ｄ動物，
機動遊戲？Ｎｏ ｗａｙ！落雨？無所謂啦！
諾怡第一次戶外實習，攝影地點係：大人細路都咁鐘意嘅『海洋公園！！！』
為左大人著想，我哋教左諾怡一個好辦法，就係：將你鐘意嘅野影低，留喺相機入面，咪唔駛買囉！
比佢影到海獅捉衣因，哈哈！
有時你都估唔到佢諗咩！以上呢張係佢好認真咁對住天花板影嘅！佢話因為天花板爬左咁多草好得意喎！
例牌菜，都要影吓登山纜車嘅！
而家開始，ｄ相係由姑姐操刀勒！諾怡：做得好，鐘意就影啦，唔駛買架！
果日佳佳幾活潑！
平時咀ｇｅｌ ｇｅｌ，坐吊車時爭ｄ喊，真係值得留念！
後來姑姐教佢一個方法，就係驚就大聲笑出嚟啦！你睇佢幾驚！
落車後又招招積積，叫佢企定定影相，就不斷扭ｐａｔ ｐａｔ比我影！
忍唔住再讚你一次：ｗｅｌｌ ｄｏｎｅ！
擺ｐｏｓｔ？大把貨！
馬騮扮馬騮，有意思！有意思！
呢個手工幾得意，係廢物利用，用牙膏盒做一個單桿的運動員，
但係我就覺得似『家有喜事』中常歡比荷里玉同蘭子連人帶衫掛咗上衣裳竹咁，哈哈......
常歡：『鈴霖六、長衫六......』
在諾怡４歲的時候，有一後很長的時期，她每天都會提起“亞理斯”！
對於這個她每天掛在嘴邊的名字，我們一直都不以為意，想那一定是其中一套卡通的角色。
後來，與她的談話中，發現原來她的想像力這樣驚人～～
姑：其實“亞理斯”係點架？
諾：你地都見唔到佢架，佢住喺白雲上面，已經死左架勒！第二日我死左，可以上去白雲同佢住，但係爸爸媽媽姑姐就唔得勒！
姑：咁點解我哋唔可以去白雲呢？
諾：你哋大人都係唔得架，只有小朋友至得，姑姐你知道嗎，尋晚“亞理斯”先去過我地屋企，佢企左喺房門口，不過你哋唔知乍嘛！
自此，當她作惡多端時，便有了一個大大的擋箭牌～～
姑：點解你書檯咁亂架？
諾：唔係我，係“亞理斯”做嘅！佢啱啱走左勒！
又或者～～
姑：夠鐘勒！快ｄ返房瞓啦！
諾：你哋咁衰，“亞理斯”第時會懲罰你哋架！
如果未見識過她的頑皮技倆，真會以為家裏有鬼！
最近，“亞理斯”沒有再出現了，我們也沒有提，不知她長大後會不會忘記呢？但是，我不會！
今日學校舉行年宵活動，諾怡第一次參加，她開開心心地穿上華服上學去。
今日在學校有很多同學仔都穿了華服，所以我和他們一起拍照留念。
諾怡買了很多賀年飾物。
佢係我同學仔卓怡。
Matthew著得好得意！
佢係我好朋友詠茵，佢今日好靚呀！
佢哋係生樹同煌煌，我哋三個企埋一齊紅噹噹，好紅呀！
由於諾怡在年宵攤位買了很多揮春，所以回家後不斷吵著要貼揮春，
她說她還剩下一張一百元時〈當然是假錢啦！〉，她到Miss Chow的攤位買揮春，
Miss Chow說若她給一百元，可以買到十張揮春，於是她豪不猶豫就買下十張揮春了，
相比其他小朋友到處議價左計右計，又有些小朋友故意以大面額的錢幣付款，
以得到找回多些小面額紙幣，諾怡就是一個不太計較，也不太懂金錢概念的小朋友呢！
在風車檔買的大風車，現在放在書桌上呢！
屋企大門由諾怡貼上的揮春！
鞋櫃也橫七豎八地貼上揮春，只是太多『出入平安』，所以連鞋都要出入平安！
連姑姐房門口都逃不了！
