晨早起床，梗係要日光日白上去探吓個天空風呂啦！
呢道真係好靜，都未試過早場會無人浸嘅。
居然可以包場洗白白，爽呀！
食個早餐先，食飽飽要Check out嘞！今日行程好豐富呀！
Check out時，職員送上大堆禮物俾我哋，好開心呀！
大家都好鐘意啲名信片，有齊小豆島景點，好令令！
喺酒店櫃檯買咗一日巴士劵，1000円全日任搭。
要睇清楚啲巴士先好上，咪上錯車呀！
我哋上車嘅位置係銀波埔，要搭映畫村線圾草壁港，
然後再轉車去紅云亭，都要成個鐘架。
又要買飛？唉！失策，唔記得用Coupon添！
酒店有啲景點折扣劵俾遊客，要記得用呀！
去到紅云亭，要搭Ropeway上去寒霞溪，
呢個景點係酒店姨姨極力推介，話個個遊客都會嚟喎！
好趕好趕，每12分鐘有一班車，
不過如果滿咗又要再等12分鐘嘞！
每次都企到幾十人架！
但係如果好似我哋咁遇到旅行團就要預啲時間等嘞！
登山嘅風景好靚，相機都無辦法捕捉得到架！
好趕好趕，我哋只有二十分鐘留喺道咋，去展望台先！
話說寒霞溪係日本三大溪谷之一。
好多遊客圍住呢道，向個圈投石許願。
山上有少少楓葉，如果秋天嚟，一定靚到不得了，
寒霞溪處處奇峰突出，有「表十二景」同「裏八景」，
係小豆島最佳嘅賞楓地點，
可惜我哋夏天嚟，無咩特別，
而且，一上一落真係好趕，
我覺得夏天嚟倒不如放多啲時間喺之後兩個行程仲好啦！
落返草壁港，因為要就巴士班次，
我哋有一個鐘頭時間，大家就決定去食吓嘢先，
睇我全神貫注咁揀，一定係好嘢啦！
係呀！係雪糕呀，有啲味道都幾特別架，
例如酒味呀、西瓜味呀、杏味呀、醬油味呀咁啦！
大家都熱到無胃口，一心只係諗住食雪糕。
又再買啲Pizza同麵包，個樣都好似唔錯喎！
第二站，去二十四之瞳映畫村。
入場原價750円，今次我醒呀，用咗Coupon，680円。
由於呢道係一套電影嘅拍攝場地，所以有好多道具，
隨手都可以拎起嚟影吓相呃吓like。
故事背景發生在1928年，所以呢道好似一條古裝街咁。
見到有個小朋友用筷子夾魚糧餵魚，好奇埋去睇睇。
嘩！啲魚咁大條嘅？個樣仲好奇怪添。
好少見到含苞待放嘅向日葵，好似有嘢想講咁款。
一片花田，加上個大藍天，好配合電影嘅氣氛。
團友集合，嚟個大合照先！
大石老師同12個小朋友一定經常喺呢道玩架嘞！
門外晾住件大人衫，呢道似係老師嘅宿舍噃。
行出嚟就見到個海，舒服到吖，如果呢度有旅館一定爆啦！
令我好想搵番呢套戲嚟睇，可惜網上都係日本版，睇唔明。
小豆島二十四之瞳映話村，值得再嚟一次。
海岸對住就係教室，教室門口空地有好多小玩意。
由教室影返出去，喺道返學點會有心機讀書呀？
唔係日日逃學出去玩就日日發白日夢啦！
不如大家參觀吓教員室先啦！
咪睇佢好似有啲簡陋，但係地方好大喎！
一年班有一班，二、三、四年班就係混合班。
可惜可惜，逗留時間只有一個鐘左右，
大家都唔捨得走，都未行曬，下次要再嚟一次，
今次唯有跟住巴士時間表玩啦，走嘞！
下一站：橄欖公園，公園裏面掛住好多掃把，大家可以任借架。
我哋都每人借咗一把，起程去學飛嚕！
見到個陽光都怕怕啦，睇吓真係一望無際曬到燶架。
大家輪流學飛，Ready, Go！成功。
點解咁多人專登嚟學飛？
話說呢度係電影「魔女宅急便」嘅拍攝場地，
大家都想將自己當成KiKi到處飛吖嘛，
好啦！風車前就係最熱門飛行地帶，去練習吓先。
我哋成功嘞！但係好搞笑，為咗學飛玩咗好耐，
終於連烘焙室同埋雜貨店咁重要嘅景點都無入過去添。
玩咗成日，要搭巴士返酒店拎行李啦，
一定要再讚一次酒店，仲安排車車我哋去碼頭添。
回程唔係去岡山而係去高松，今次搭呢艘船。
去高松嘅人比較多，連車都排得滿滿。
旁邊另一條航線艘船都好靚吓。
剛巧有一團中學生，雖然人多但大家都好守秩序。
黃昏時份，喺甲板上欣賞日落，真係好有氣氛呀！
經過幾日小旅行，又重回起點到高松嘞！
今晚有一個朋友會先回香港，咁我哋一於去Daiso買番餐，
再去食餐farewell dinner，聽日就要進入另一個行程嘞！
沒有留言:
張貼留言