都話啦，酒店細細，但係我又好鐘意噃，
睇吓個早餐，好多嘢食又好味喎！
認住佢啦！JR駅行過嚟都係幾分鐘，好方便。
本來預咗今朝一早去岡山摘水蜜桃，但係因為行李延誤，
我哋唯有更改行程留喺高松等行李啦！
想近JR站，最好就去高松城啦！
介紹番吖：玉藻公園就係利用高松城所成立嘅公園嘞！
入場費，每位200円。
呢個唔係垃圾桶，係松果收集桶。
我哋都要略盡綿力。
高松城係一個水城，佢總共有三層護城河架。
唔......其實都唔係幾大。
行埋啲庭園，好快就行完嘞！
留影集郵，目標係每次去日本都影吓名城。
行到身水身汗，決定離開啦！
目標就係去啲有冷氣嘅地方，
見到你笑哈哈咁向住我哋，忍唔住向住你行啦！
呢間Ace One，就係尋晚買桃嘅超級市場嘞，
價錢好親民，地點又方便，強力推介。
行商場前，諗起仲未兌換JR Pass喎，做嘢啦！
都幾多人排，而且都搞幾耐，好彩有時間啫，
終於搞掂，一次過換曬呢幾日啲飛，安樂曬！
換完曬車飛都未等到行李，於是喺車站四圍行吓啦！
咦！周圍都係麵包超人喎。
7月28日我喺高松車站同麵包超人等車，我會記得架嘞！
已經好多年無玩給印仔，
但係，去四國，有咁多款麵包超人印，
係值得帶本簿仔嚟嘅。
終於等到嘞！
尋晚個空姐Cindy親自車番啲行李俾我哋呀！
感謝Cindy好盡力幫我哋，除咗幫我哋聯絡桃園改時間，
仲親自車行李嚟，多謝曬。
返去酒店執一執嘢，寄存大件行李後，就去岡山嚕。
原來岡山仲旺過高松，可惜無乜時間行吖。
我哋目標係穿過JR商店街搵酒店，
唯有所有商舖都只可以過門而不入啦！
今晚就係住呢道：東橫Inn，
喺岡山想搵又平又乾淨，非佢莫屬啦！
話說非會員只可以三個月前book房，
要一次過book三間雙床房，我都好擔心book唔到，
所以，今次把心一橫做埋會員嘞！
各位左鄰右里，一齊出嚟打個招呼啦！
其實我都係第一次去岡山，
見到JR站附近咁多嘢行，有諗過喺道行吓就算，
但係見網上好多握介，又心思思想去倉敷喎，
朋友一致都話無所謂，咁就去啦！
嚟到已經近黃昏，好多商舖已經開始關門嘞！
第一間係貓精品加貓cafe，我哋喺道玩咗好耐呀。
我就硬係覺得呢道好似城崎溫泉。
有興趣泛舟嗎？
我見有班太太著曬和服出嚟攞景，好有氣氛喎。
雖然好多商舖已關門，行得唔盡慶，
但係大家都覺得呢道氣氛好好，值得嚟，下次再嚟啦！
回程行番去JR站，對面就係outlet嘞！
一場嚟到，梗係要去行咚啦！
所謂嘅outlet，其實都無咩好行好買，
大家今日都辛苦嘞！去食尋司醫醫肚啦！
大家加油，今日先係第二日咋，食飽啲，聽日仲攰呀！
沒有留言:
張貼留言