第一次去四國曬到燶之旅@岡山→小豆島

第三天：2017年7月29日

一早起身，食完個免費早餐後，就要去搭巴士嘞！
要搭四十分鐘車，趁未瞓前大家影張相先。

落咗車，跟住地圖行十幾分鐘去桃茂實苑。

其實呢條路都有啲危險，沿途都好多車。

終於到嘞，嘩！好多桃呀！

呢道啲清水白桃都好貴吓！都唔係幾適合我買。

唔止桃，仲有提子。

唔買都要影番張啦！

通知職員，佢就會安排車送我哋去果園，
記住keep住張入場劵呀，有用架！

有幾種plan，我揀咗摘兩個食兩個，網上價1800円。

有英語說明，減少語言不通嘅問題。

食桃同摘桃，都係行呢邊呀！

剛剛我哋前面有一團，跟住行啦！

嘩！見到嘞，握個手先。

叔叔好有心機教我哋，每人摘兩個。

叫做一個體驗囉，俾得我哋摘果啲都係又細又生，
總之都算成功完成任務啦！影張大合照先！

摘桃都係其次，呢邊先係戲肉。

呢啲俾得我哋食嘅，又大個又夠熟，Yeah！

大家預備好未？係咪第一次坐喺郊外食桃呢？

我最鐘意開桃，多啲嚟、密啲手。

大家已經食到好飽〈不過仲未厭〉，
但見到有啲已經好熟未必可以拎去市場賣嘅桃，
賣好平，太吸引嘞！又買幾個返去做消夜先。

買多啲！買多啲！用盡個Quota佢。

臨走一定要食個桃味軟雪糕啦！

頭先都話要留起張入場劵架啦！每人送你一杯啫喱架！

玩咗一個上午，又返到商店街嘞，
日本人都真係好有諗頭，商店街擺咗好多呢啲冰，
又美觀，又冰涼，夏天行完街見到佢真係開心曬。

去巴士站買張套票先，呢個巴士加船套票好抵架！

套票價錢：1300円。

如果唔想嘥時間等車等船，最好睇定時間表啦！

去碼頭等船囉！我身後呢隻就係一陣我哋要搭嘅船嘞！

老友，咪顧住捉精靈啦！

大隻呀哩！

仲未上得船，旁邊個候船室都好好坐架。

大家可以入嚟嘆吓冷氣食吓嘢。

無論去到邊，都一定有手信賣架！

船期同票價，我哋已買套票，所以唔駛買飛。

唔止人，車都可以上船，方便去小豆島自駕嘅朋友。

指定動作，Cheeeeeeeers！

隻船都好大吓，我哋個坐位好似去咗卡啦OK咁。

坐位有好多種選擇，單人梳化覺得又如何？

又或者可以排排坐側側身咁望吓海。

其實隻船都好少人坐，周圍都有空位。

唔歡喜坐室內的話，上去甲板吹吓海風囉！

睇吓佢哋幾Enjoy！

泊岸嘞！見到小豆島個標誌嘞！

先入去呢個information centre問問先，
職員好nice，說明我哋今晚入住嘅酒店名之後，
佢就幫我哋打電話去酒店請職員嚟接我哋。

職員揸車嚟接我哋，仲幫我哋搬曬啲行李添！

今晚入住嘅酒店：水明。

三人一房，一泊二食每位港幣$755，抵啦！

飯店旁邊就係天使之散步道，
酒店好貼心咁通知遊客潮汐漲退嘅時間添！

我哋間房望出去已經見到天使之散步道嘞，
見唔到條路？因為未潮退吖嘛！

酒店個姨姨超好人，知我哋因行李問題打亂咗行程，
因為呢道嘅巴士好疏落，而家遲咗半日，
之前我plan嘅小豆島一天遊完全行唔到，
於是酒估呀姨就幫我從新計劃過，
好啦！第一站係唔駛搭車嘅，先去天使之散步道啦！

隨處都有靚景，連舊石頭都靚過人。

日本好似一個貓之王國，隨處都見到可愛嘅朋友仔。

呢道好多情侶都嚟架，求番之好簽吖嘛！

天使之步道，一日先有兩次可以見到，
就有如見到天使一樣咁難得。

好多遊客都會爭取時間嚟行吓影吓相。

每次旅程嘅組合都係一個特別嘅體驗，
值得一齊嚟個到此一遊合照啦！

日落嚕，係時候返酒店食飯嘞！

今晚呢個場係我哋包咗嘅！

呢個坐位編排好搞笑，好似辯論比賽咁！

會席料理，好豐富哩，食多幾日你就知！

食完仲有得玩，快啲去揼吓年糕放吓電啦朋友！

搞掂，飯後甜品呀，大家分嚟食啦！