今日朝早5點幾要起身嘞，因為早機返香港。
精力充沛嘅我，喺坐飛機時終於忍唔住嘞！zzz..................
差不多一小時，見到香港嘞！
開開心心出發，又開開心心回程。我哋十點都未到就返到香港嘞！
經過今次旅程，我覺得去旅行真係好好玩架，我自己已經plan好下一個目標係泰國，
然後就係台灣，香港國際機場，我會再嚟架！
2009年7月28日 星期二
好玩海南島第四日 - 完結篇
2009年7月27日 星期一
好玩海南島第三日 - (2)
下半場再出去沙灘，今日咁啱係酒店員工競技日，佢哋分成唔同部門比賽，好熱鬧，好開心喎！
今日仲大浪過尋日，所以都係唔可以游水。
酒店都有水上活動，D水上電單車喺度排晒隊，不過我哋無玩。
仲有沙灘排球添。
又玩咗成日嘞，係時候執好行李走嘞，真係唔捨得！
拜拜嘞海南島沙灘，I'll be back！
今晚我哋決定唔再信酒店餐廳，所以出嚟明珠廣場旁邊嘅春園食海鮮。
呢度好多熱鬧，好似去咗泰國咁。
呢度食野係自選海鮮，之後佢哋加工，咁多間都唔知點揀好。
呢間個名入型入格，因為坐鎮嘅老闆就係一個光頭佬，就佢啦！
好似好衛生咁喎，全部包好晒！
我哋總共order咗八個餸，有白灼蝦。
幾好味嘅炒野菜。
比酒店OK嘅文昌雞。
一般嘅炒聖子。
白灼唔知乜野螺。
好味嘅椒鹽賴尿蝦。
物超所值嘅青衣。
最後仲有一鍋蟹粥，4枝汽水，盛惠380，咁豐富嘅晚餐仲抵食過酒店下午茶。
好玩海南島第三日 - (1)
話咁快就第三日嘞，開始有D唔捨得添，由今朝起身開始，我就不斷話要去游水游水游水............
因為我深信，只要講一百次，就算無人答應都係可以成真嘅！
今日真係要喺湖畔食早餐嘞，因為入面無晒位吖嘛！都未開始食，你睇我滴汗。
為咗要去游水，我要好努力將呢碟野食晒！
今日再繼續去視察吓，呢架高爾夫球車幾靚喎，影張相先，原來喺旁邊仲有得租單車同麻雀房架。
呢架車停正喺大門口，聽講住客可以租架，好似話600蚊一日喎，幾豪！
小休之後再出發，今日豪西餐廳，第一味海南雞飯，麻麻哋好食。
呢個係牛𦟌，OK啦！
迷你pizza，都係ok啦！不過埋單都要400幾喎，酒店餐廳即係酒店餐廳！
偷運一個麵包出嚟餵吓魚先。
睇吓佢哋幾熱情！
今日再去泳池，我好有信心學識游水架！
觀察吓人哋點游先！
游吓游吓，我游到去對面岸喎，好野，我識游水lu！
游得攰攰哋，喺池邊休息吓先。
游水真係好好玩架，返到香港我都要去學游水。
2009年7月26日 星期日
好玩海南島第二日 - (2)
上午視察完之後，我哋返房沖涼先，因為行一個圈已經成身汗，所以日日都要沖幾次涼架。
小睡一陣之後，我哋每人食咗個杯麵做午餐，然後就攞齊玩具食物去玩lu！
第一站先嚟泳池，睇吓我嘅裝備幾充足。
我哋仲帶埋水槍，不過爸爸媽咪夾攻我，所以我俾佢哋射到成面水，
我唔夠佢哋快，唯有將支水槍當警棍咁用嚟打人囉！
呢度係室內人造沙灘，D沙好幼，可以用工具模印到D圖形架！
玩完泳池就向沙灘出發，繼續執貝殼。
呢度D沙粗好多，堆極都堆唔到堡壘，不過我都好鐘意玩。
呢個椰青真搞笑，係坐坐吓睇住佢由樹上跌落嚟架，所以我哋都唔敢喺椰樹下面行過，我試過呢個椰青水D都幾好味。
悠閒嘅下午，瞓吓吊床，真係舒服！
玩到好攰，返酒店露台浸個豆乳溫泉先。
一日過去嘞，浸住溫泉可以睇到日落架。
夜晚去啤酒屋食飯，網上都有人推介，但係我覺得麵包幾好味之外，其他野都麻麻地，
我哋好早order德國咸豬手，但係佢轉頭居然話無喎，咁點做招牌菜呀？大佬！
最後埋單差不多500蚊，真係唔抵囉！cher返杯順順氣先。
好玩海南島第二日 - (1)
第二日，所有團友都隨團出去，佢哋會去亞龍灣，
食椰子宴同埋買手信，但係我哋就決定留喺酒店好好玩餐飽嘞！
尋晚咁夜check in，都無好好睇清楚間酒店，先由房間行出去，呢度真係好優靜。
落去游泳池嘅長樓梯。
湖畔食早餐嘅地方。
自助早餐，OK啦！
西餐廳無位，所以喺龍苑食，不過都可以喺西餐廳自由出入攞食物。
睇吓我今日幾咁醒神。
到處都有靚靚嘅花。
偷偷哋做吓gym先，因為呢幾部機要著波鞋嘅大人先玩得架！
視察完室內設施，出去私人沙灘睇吓先，呢個係今次重點目標嚟架嘛，一見到D沙，我就忍唔住衝落去玩吓嘞！
而呢D冬菇亭就係大人最鐘意嘅地方，私人沙灘真係好，無人同你爭架。
爸爸話我唔可以出去游水，因為呢度D浪太大嘞！不過如果跟住大人，都可以出去執吓貝殼同踏吓浪嘅！
我執到兩個小貝殼呀！
訂閱：
文章 (Atom)