下半場 ~~ 馬來西亞兩頭遊〈第二天重點項目Legoland〉Part 1

12月28日〈星期五〉第二天

今日重點去Legoland，先去食個buffet早餐先。
雖然間酒店水準窄窄哋，但係個早餐都還可以啦。

今朝有第二個司機嚟接我哋，佢話唔駛跟旅行社個時間，
想幾點走都得，咁我哋怕玩唔到10個鐘咁多，
又想早d返嚟行吓夜市，於是就請司機早兩個鐘返嚟接我哋嘞！



一切準備就緒，出發啦！
大約30分鐘車程，我哋9:30就到達Legoland入口嘞。

初到時，大門口都唔算好多人，原來樂園開10:00，
即係話，我哋仲有30分鐘呢！於是我哋先四圍行吓。
越接近10點，人潮真係開始多嘞，不過大家都好守秩序呢！

我覺得票價算公道，成人票價大約HKD365；小朋友HKD286。

樂園旁邊正在大興土木，因為2014年酒店開幕啦！
睇吓：啲房間好吸引呢！好想住啊，好！2014年再嚟過。

仲有仲有，2013年waterpark會搶先開張呢！

咦！呢兩個小朋友真係好心急喎！去正門入場啦！

雙人嬰兒車同單人嬰兒車，價錢都算公道，好快無貨架！

四圍都有親切嘅朋友迎接興致勃勃嘅遊客，好有心機啊！

就算唔識字，都知呢兩個係祈禱室啦！



永遠無法抗拒手信店嘅吸引力，一輛有趣嘅購物車係好重要嘅！

 喺道可以買到各種各樣嘅Lego，真係花多眼亂呢！



精品方面也不弱，衣食住行都有，全是Lego出產的呢！




呢道都好特別，可以配番遺失嘅Lego，係以重量計嘅。

各種鎖匙扣，仲有刻名服務添，
如果收到刻好名嘅Lego鎖匙扣，一定會好開心呢！



第一站見到Driving School，睇嚟唔易控制呢。




然後去到Boating School，我哋決定從呢度開始玩啦！

佢講真架，真係要排90分鐘架！

為怕小朋友排到悶，每個轉角位都有Lego任玩，好嘢！


就係控制呢隻小船兜一個圈，原來真係有技巧架，
如果唔係就會撞船架噃，不過玩嘅時間太短啦！

我哋呢啲老人家，第二站梗係想坐火車啦，但係條龍......

火車旁呢個Lego Rescue Academy好有趣，
要親子或朋友合作先可以完成，應該好好玩！

好多俾小朋友任玩，俾家長回回氣嘅地方。

睇嚟都係例牌嘢，但係會有水噴出嚟，會濕身架！

Lego City Airport嘅飛機真係好有Lego feel呀！

Royal Joust睇落去無乜嘢，但係小朋友要一個人坐喺木馬上，
離開父母視線範圍喺草叢兜一個圈，其實係好勇敢呢！

TECHNIC Twister，即係轉到頭暈啱曬一家人玩嘅咖啡杯。

有啲位好搞笑，好似呢個咁，小朋友只要坐喺板上，
不斷un un吓，會有"蕉~~~砰！"嘅聲音，
小朋友回頭一睇，見到個人飛出去嘅大窿，就會不停咁笑嘞！

呢啲係勁嘢：Project X，過山車，無人會陪我玩架！

過少少又有另一個刺激遊戲：Dragon's Apprentice。



唔知係唔係未開呢？我見呢個Dino Island衝落嚟船係無人坐嘅？

玩到成身濕晒點算呢？唔駛驚，呢度可以租用乾身機架。

五元馬幣一次，大約港幣13元。

未完，下回待續...............