重新認識新加坡第一天

7月26日〈第一天〉

10多年前到過2次星架坡旅行，沒有壞印象也沒有好印象，就是平平無奇。
今年USS開了，引發了再遊星州的興趣，於是努力搜集資料做足功課要認真再玩一次，
舊地重遊，今次........印象好極了！

今次第一次搭budget airline，最主要原因係『平』，我哋揀咗Jetstar，感覺好好，
有人話細機唔穩定，但係我就覺得幾好，降落都無乜感覺。
最抵讚係香港嘅地勤人員好有禮貌，而且仲免費upgrade咗我哋其中2人坐long leg room添，哈哈！

呢個就係long leg room嘞！本來要加$180蚊架，而家就免費！
睇吓我個friend坐得幾鬆動？我對腳咁短，仲更加舒適啦！

Budget Airline無電視？唔緊要！自備i-pod囉！有成十幾套劇有排睇！
無飛機餐？更加無問題，因為我最憎飛機餐！不過如果怕肚餓嘅朋友，
可以自備食物或者喺機上order，就係呢個menu嘞！我見D人食海南雞飯，
搞到成架機都有陣陣飯香，不過真品賣相唔係幾好，除非好肚餓啦！如果唔係喺度食嘢都幾無謂！

所謂出外靠朋友，團友之一嘅好朋友住喺新加坡，佢一早喺機場等接我哋機，
仲book咗呢架7人van，都幾貴，成SG58即係港紙$325，但係就點都 唔肯收番我哋錢，再次講：多謝！打搞晒！

邊有人咁細心架？貼心嘅主人家仲為我哋每人準備咗一張ez-link咭，
即係香港嘅百達通，仲已經增晒值，有佢就可以周圍搭車lu，感動呢！

有地頭蟲，唔駛睇旅遊書，專人指點搭交通同行程。

第一站：牛車水

下午茶時間，無乜人。

即刻第一時間去鼎鼎大名嘅『天天』點知......居然已經全面售罄，食唔到天天，無晒面呀！

唯有食吓其他嘢啦！呢個係：炸香蕉。

第二間嘅海南雞飯。

呢個炒羅白糕都唔錯。

右上角個A字原來代表呢間店係A級乾淨。

呢間有B級，朋友，以後識揀啦！

可能太肚餓，30分鐘後，好似一班蝗蟲經過一樣。

唐人街，周圍都好有中國味，呢度仲有間寶之林添。

第一站先去馮滿記買藥。

途經一間小舖，見到栗子嘅原貌。

行咗一輪就去食甜品，朋友食咗芝麻雪花冰，好似幾好味。

我同另一個朋友就慘嘞，俾佢哋發放咗去邊疆，因為我哋食嘅係：榴槤雪花冰，
我要同各位朋友講：其實係好好食架，你哋唔應該咁樣鄙視佢架！

今日輕輕鬆鬆就過咗嘞！聽日要去USS，雖然年紀大咗唔算好期望，
但係因為呢度係新嘢，之前未去過，所以都仍然以開開心心嘅心情迎接聽日！