已經第幾餐？今朝早餐又係呢啲？
其實我唔鐘意食日式早餐架！想死！
食完早餐，同酒店商量好，車我哋去蔓橋，
所以要book呢間囉，因為呢道最難安排就係交通嘛！
要過橋，先乖乖上去留下買路錢先啦！
過橋費，每位盛惠550円。
唔想參加嘅朋友，就辛苦你哋照顧行李嘞！
我哋三個膽生毛嘅朋友，出發嘞！
想知點解大家都咁驚？睇吓每一格橋板有幾闊就知啦！
打橫行的話，分分鐘會跌落去架，對鞋要著穩啲呀！
步步為營，唔好分心呀！
突然覺得條橋震得好緊要，
原來旁邊有個男人完全唔扶單手抱女輕輕鬆鬆就過咗橋嘞！
咁有乜好玩唧？550円用一分鐘就行完咯！
我哋就唔同呢？沿途影住相咁先抵玩架嘛！
介紹番吖：
蔓橋嘅扶手位、腳踏位同吊索都係用奇異果樹枝為主要材料，
橋身全長45米，距離溪谷高度14米，
嗱！遠啲望吓全景，一唔小心义錯腳就會跌落谷底架嘞！
我哋終於行到終點嘞！
行完蔓橋，喺旁邊有條路可以落到溪谷架。
睇吓幾多人玩梗！我都有少少想落去喎！
雖然無落去溪谷玩水，但係就去咗琵琶瀑布玩吓。
雖然天氣咁熱，但係呢度就好爽嘞！
路邊得幾間舖頭，又見到呢啲圍爐燒魚。
由於地方好偏僻，相信村民日常生活都有啲唔方便，
我哋聽到音樂聲，有架麵包車經過，於是舖頭嘅人都湧出嚟，
呢架係名符其實嘅麵包車，因為佢係賣麵包架，
其實佢啲麵包唔算吸引，但由於呢度無所以就多人嚟買嘞！
又見稻草人偶，呢位婆婆喺度看舖喎！
雖然係盛夏，但都有少少楓葉，真係好想秋天嚟呀！
離開酒店，返去大步危站等車，見到麵包超人列車呀！
我哋呢程無搭佢，搭普通列車去到琴平，
琴平車站好古色古香，又好乾淨，係比較靚嘅車站。
大家嚟都係想登山參拜金刀比羅宮，
唔想行1368級樓梯？可以搭登山巴士架。
我哋先放底行李，今晚住呢度：琴參閣。
放低行李已經兩點幾，大家都肚餓嘞，
可惜成條街都中場休息，只有呢間烏冬麵有開咋！
食完返房check in，呢道係咁多日行程中最靚嘅一間。
出發去行樓梯嘞！酒店真窩心，有行山杖免費借出呢！
咁啱有一班中學生嚟跑步，日本老師果然係嚴格，
學生沿途見到途人都要站定躹躬打招呼，真係長見識！
我準備好迎接1368級樓梯嘞！係咪好有氣勢呢！
其實除咗酒店外，金刀比羅宮下條步行都好多行山杖借出架！
我行到呢度已到極限嘞，朋友們你哋要加油呀！
朋友行到七百幾級，仲幫我買咗個御守添，唔該曬！
雖然我只係行咗好少，但係望番落去都幾靚吖！
回程都未夠六點，但係好多舖頭都收曬嚕！
返去開餐嘞！連續身三晚會席料理，都無乜期望嘞！
食飽梗要去浸浸啦！地方太大行去女湯都要幾遠吓！
浸完去旁邊超大休息室嘆吓，仲有免費按摩椅喎！
溫泉旅館指定設施：夾公仔。
室內攤位遊戲，好似只係俾小朋友玩，幾好氣氛吖！
沒有留言:
張貼留言