第一天：香港→中部國際空港→常滑

2016年12月23日

好早已經開始Search名古屋機票，不過傳統航空公司真係好貴，但係又唔係好想搭HKE喎！最後情願搭華航台灣轉機，比起直航用多個幾鐘，但係就比HKE平咗千幾蚊，旅程就由此開始啦！

本來諗住一個人出發，就不如瀟灑啲帶個背囊就得啦！

點知執吓執吓，啲嘢一張檯都唔夠放添。

由於名古屋多數日日轉酒店，
但係冬天執多兩件衫已經搞成咁，
唯有繼續帶住個喼去旅行啦！

去程13.3啫，華航有30kg Quota，大把空間啦！

巡例食個免費早餐先。

 食完早餐探吓清仔。

其實啲精品幾靚、但款式太少。

  全部我都想買，因為我食佢大架嘛。

有啲係之前出嘅限量版，就算想買都買唔到。

 呢啲便條貼都幾可愛，不過唔捨得用噃！

 環保袋入面裝滿即食麵，不過無理由帶佢去日本架？

 如果我鐘意食多士，可能已經買咗。

 下午機，孤寒鬼玩法，先飛台北再轉機。

 華航宣布再度提供飛機餐，好嘢！唔駛食包嘞！

 台灣候機室，好得意呀！

 我哋呢啲唔貪得意嘅，我都係鐘意呢度多啲！

除咗平，台灣轉機都有好處，起碼人少啲，
而且多數係日本人，我用5分鐘就過完海關嘞！

仲有，可以食兩餐飛機餐。

到達機場，記得去拎昇龍道welcome card呀！ 

 有討論區嘅人話名古屋用唔到Icoca，今日親身試吓，得咗！

住隔機場兩個站嘅常滑，係我最愛嘅hotel route inn，

單人房都有雙人床，仲有大浴場同免費早餐添。

 覆曬facebook同whatsapp，落去買支飲品，瞓啦！