又到深圳老地方

5月29日〈星期日〉

 

原定上星期日上筍崗，但係一落到樓下，

發現根本無可能，因為紅雨威力太大嘞！

今日終於可以按計劃上去，先去文具城行街街，

點知一下唔覺意，又買咗一大堆玩具，

爭D孭到肩周炎發作，最後，趕緊喺5點鐘前離開，

所以好容易就截到的士嘞，而且我哋好好彩，

遇到一個好好嘅司機，我乘機問吓佢，

路邊兩旁種滿芒果樹，會唔會有人爬上樹摘呢？

佢話芒果係屬於國家，大家都有份，

日頭D人怕醜，入夜就有人爬上樹上面摘。

 

搭車去中信廣場，最鐘意就係行吉之島，

點知大裝修，七國咁亂，成個商場，

除咗大漁外，基本上無乜好食，死氣沉沉，

於是孭住沉重嘅行李，行去對面間食肆，

找尋人氣........

 

二選一，我哋選擇九千鼎。

 

唯一唔好係，好熱，食到滴晒汗。

 

快D滾啦！好心急呀！

 

開呀！今晚食豬骨煲，Yummy！

 

好大好大嘅豬骨......

 

呢個港式火鍋食材，無必要。

 

娃娃菜，安全又好食。

 

韓式粉絲，少少辣，都好味。

 

呢個蔥油雞好味，可惜太肥。

 

史上最高膽固醇食物，又肝又咸蛋黃，但係好味！

 

食番個清清哋：荷塘飄香。

 

多謝朋友們仗義陪我上去，下次再食過！