5月29日〈星期日〉
原定上星期日上筍崗，但係一落到樓下，
發現根本無可能，因為紅雨威力太大嘞！
今日終於可以按計劃上去，先去文具城行街街，
點知一下唔覺意，又買咗一大堆玩具，
爭D孭到肩周炎發作，最後，趕緊喺5點鐘前離開，
所以好容易就截到的士嘞，而且我哋好好彩，
遇到一個好好嘅司機，我乘機問吓佢，
路邊兩旁種滿芒果樹，會唔會有人爬上樹摘呢？
佢話芒果係屬於國家，大家都有份，
日頭D人怕醜，入夜就有人爬上樹上面摘。
搭車去中信廣場，最鐘意就係行吉之島，
點知大裝修，七國咁亂，成個商場，
除咗大漁外，基本上無乜好食，死氣沉沉，
於是孭住沉重嘅行李，行去對面間食肆，
找尋人氣........
二選一，我哋選擇九千鼎。
唯一唔好係，好熱，食到滴晒汗。
快D滾啦！好心急呀！
開呀！今晚食豬骨煲，Yummy！
好大好大嘅豬骨......
呢個港式火鍋食材，無必要。
娃娃菜，安全又好食。
韓式粉絲，少少辣，都好味。
呢個蔥油雞好味，可惜太肥。
史上最高膽固醇食物，又肝又咸蛋黃，但係好味！
食番個清清哋：荷塘飄香。
多謝朋友們仗義陪我上去，下次再食過！
今日好特別，平時都係嘉頤去我哋度玩，
今日嘉頤得一個人喺屋企，又因為就嚟考試，
佢話想留喺屋企溫書，真係懂事嘞！
我諗佢一定會好悶架嘞，
所以，我就同諾怡一齊主動出擊，
山長水遠去將軍澳同佢一齊玩。
今日佢係主人家，帶我哋去商場周圍玩。
諾怡又嚟做lan模。
兩隻嘢又去玩鬼d錦鯉。
去到邊都有貨，絕唔怕攰。
我哋去板前大食一餐，三個人食咗四百幾蚊，
連個侍應都話我哋好誇張......
最後食個牛乳布甸先，係姑姐至愛，
大家話佢震震吓，好似爸爸個大肚dum，
不斷喺度搖~~~~
返上屋企，兩個喺度玩Wii，開開心心過咗一晚。
今日d相質素好差，因為姑姐無帶相機，
只好用個老爺相機影低d片段，
兩個一齊真係好，大家又開心，
又可以學到點同人相處，好期待新加坡之旅呢！
，最近又開始......〉，因為啱啱去完〉，雖然我好想去〉，只有海灘〉，要儲多d錢先〉
4月30日〈星期六〉
大細姪都分別去過廸廸尼，不過未試過一齊去，
趁住我張全年通行證未過期，趁住五一未到，
趁住佢哋仲鐘意一齊玩，
就一於今日去走返轉，玩盡佢啦！
精力旺盛嘅小朋友，要開始囉！
先去畫畫，呢堂畫跳跳虎。
嘉頤都有紋有路架。
其實大家都玩到無乜新鮮感，
於是用好多時間排隊影相。
始終都係米奇米妮最受歡迎，排最耐。
諾怡每次影相都打D卡通人物，蝦蝦霸霸，
終於得到報應，俾呢隻大熊嚇到喊，抵！
時時都保持雀躍嘅態度，呢方面好專業。
今日連唔鐘意影相嘅嘉頤都好合作。
5周年嘅睡公主城堡好靚啊！
第一次上泰山屋，姑姐放生佢哋自己行，
姑姐就偷懶喺樓下等，雙嬴！
今日倆人好多合照啊！
呢個景幾靚，等個小仙女走開就即刻去影相。
因為個小仙好個樣......
玩到無嘢玩，入去舖頭再玩，
D工作人員對本土小朋友都特別好。
睇完4D出嚟扮晒嘢。
太陽落山嘞，我哋唔睇煙花，搭車去葵芳食飯。
剎落葵芳，再影餐飽。
自動自覺，Post多多。
扮鬼扮馬。
正正經經反而搞笑。
後記：要錢定要形象？
今日屬於同胞日，
佢哋在此振興經濟，可以話撐起成個樂園，
但係我哋見到有人霸住個好靚嘅垃圾桶直接吐痰、
不斷有人喺排隊隊伍中講唔該借借就係咁打尖、
〈甚至大部份無講唔該借借〉
喺遊戲設施出口當入口但不理勸籲、
喺洗手間唔理條公龍直入廁格......
工作人員都好無耐，努力維持秩序都無用。
要撐住頭家，就要放下尊嚴，降低水準？
