今年小小安嘅新居，就喺呢棵平平無奇嘅矮樹入面。
睇唔清楚？圈住果忽就係嘞！
再埋d，呢間屋係2011年3月17日〈星期四〉起嘅，一日就完工嘞，今次好似係一隻單親紅耳鵯自已一手一腳攪掂晒，真係犀利。
睇埋裏面，好實淨架，可惜佢一直都無嚟入伙，點解呢？係因為知道有人類發現咗？定係到生蛋嗰日至嚟住呢？
到咗3月22日〈星期二〉，終於有答案嘞！上午9點30分我哋去探佢，仍然豪無動靜，直至上午10點30分，發現巢入面有一隻蛋呀！好開心，但係，上次明明有4隻過喎，點解今次咁孤單嘅？
到咗3月23日〈星期三〉，巢入面有第二隻蛋嘞！咁都定d。
如此類推......如果無估錯......今日3月24日〈星期四〉應該......無錯，第三隻蛋出現嘞！我哋大家都覺得好得意，一日生一隻咁有規律嘅？
今日見到小鳥媽媽比較多時間留喺個巢度，唔知係繼續生蛋定係開始孵蛋呢？我會喺盡量唔騷擾佢嘅情況下繼續密切留意架啦！
哈哈. . . 又有新名 . . . 追唔切呀
回覆刪除一路睇，愈睇愈開心。
回覆刪除不過你就真係要小心D，唔好嚇親佢，唔係第日佢唔黎架喇！
[版主回覆03/25/2011 23:20:00]知道嘞1733，我哋直情當佢哋自己屋企人一樣啦！你得閒多D嚟探吓佢哋喎！
啲蛋有無鵪鶉蛋咁大丫
回覆刪除[版主回覆03/26/2011 00:58:00]無！再迷你D，好cute架！
一定，一定。
回覆刪除[版主回覆03/26/2011 12:06:00](Empty)