台灣復活之旅落實

話說上次講到一切都未落實，搞到個心七上八落，喺不斷e-mail來e-mail去之後，
終於安排好晒住宿地方嘞！不過左計右計，好似貴過package喎！

搞掂機票酒店，跟住就要計劃行程嘞，由於主要想relax，所以會連續兩日留喺清境，無乜特別行程：

第一日，香港→台北→北投→淡水→住皇家季節北投館

第二日，北投→師大夜市→住台北〈日間自由活動〉

第三日，台北→清境→住歐風小鎮

第四日，全日清境→住普羅旺斯玫瑰園

第五日，包車遊台中〈地點未定〉→香港

台中去邊好呢？有少少想去集集；新社又好似幾靚；
定係去台中shopping呢？選擇因難症又出現嘞！

另一方面，好多朋友都叮囑我哋要小心，怕有輻射影響，怕會地震......
多謝各位關心，但係，我去意已決，唔好再嚇我，唔該！