第一集：最高の片想い

呢個題目想寫好耐，因為我怕會忘記。

從『校園啦啦隊』開始就睇日劇，

套劇唔係特別經典，

但係唔知點解，我好記得三原順子，

後來，因為屋企有Cable，常常睇到大量日劇。

第一位最愛日劇，係非常冷門嘅：

『最高の片想い』，〈港譯：白雪情緣〉

成套劇都係白皚皚嘅冬天做背景，

再加上我最鐘意嘅深津繪理同本木雅弘，

有乜辦法唔俾佢排第一？

但係好可惜，咁多年都無見到重播，

VCD、DVD、網上電視都搵唔到，

而家想重溫都無辦法lu！