6月2日，我哋喺校園其中一棵樹上面發現咗13條毛毛蟲，每一條都好似朱古力手指咁大條，
我哋捉晒佢哋落嚟，放喺一個箱仔入面，當時13條一齊，都真係幾恐怖。
我哋興致勃勃咁諗住養大啲毛毛蟲，希望佢會變蝴蝶，但係可能係我哋唔識點照顧佢哋，
幾日後，只係死剩一條，就佢上圖青BB果條勒，佢係老大。
喺呢個時候，我哋再發現咗兩條好細嘅蟲BB，佢哋係呀肥同呀細。
幾日後，老大開始吐絲勒！睇吓，喺佢身上幼幼嘅白色絲，睇到嗎？
十幾日後，老大都係無乜改變，但係呀細就大得好快，比幾張佢為食大特寫大家睇吓！
6月19日，呀肥開始吐絲勒，佢仲識得用樹葉遮住自己，真係醒！
我忍唔住掀開塊樹葉睇吓，佢而家白雪雪，好似充滿蛋白質咁！
而老大呢，呢日佢變得唔尋常咁黑，好似有事要發生咁！
6月20日，睇吓老大先，點解唔同咗嘅？無咁黑喎。
原來搞錯咗，上面果個係呀肥，咁老大呢？佢喺下面，不過......得番個殼！
因為佢已經出世勒！睇吓佢個肚仔？
仲有背脊......
但係，究竟你係飛蛾定蝴蝶呢，係咪對翼未張開咋？我哋一直用養蝴蝶嘅心情期待你出世，
今日你終於同我哋見面勒，無論你係蝴蝶定飛蛾；係天鵝定係醜小鴨，我哋同樣咁開心！
我們好像牠的媽媽,一天一天的長大,一天一天的轉變,有時擔心牠不夠葉吃,又時擔心牠沒有水喝,有時又擔心牠是不是死了,總之甚麼都擔心......但現在牠出生了,無論牠是甚麼也好,總是我們一起經歷過的事,在此說一句,感謝主,thanks god!
回覆刪除默默等待阿肥同阿細!
回覆刪除[版主回覆06/20/2009 22:32:00]請問咁多位少奶：邊個先係大少奶呀？哈哈......
希望我星期一返黎仲見到...
回覆刪除[版主回覆06/20/2009 22:55:00]應該得！
你講到好似羅蘭姐同埋Adam Cheng咁.......
回覆刪除究竟佢係蝴蝶定係飛蛾呢.........真係一個迷???
[版主回覆06/20/2009 22:59:00]我仲以為好感性添，原來係搞緊笑？
請問，忠誠fans又係邊個呢？開名啦！
今天我都好開心,能夠看到牠長大成人。
回覆刪除[版主回覆06/21/2009 00:27:00]雖然你真係好驚，哈哈......
真係好感性wor
回覆刪除[版主回覆06/21/2009 02:07:00]係咪用錯公仔呀？感性係唔應該笑成咁架！朋友。
恭喜你，終於見到你的小生命長大成人了。
回覆刪除[版主回覆06/21/2009 12:34:00]thank you!!!
Discovery Channel Blog!!
回覆刪除你近排玩配種 ！
個隻嘢似著左件迷彩→→→準備打野戰 ！
[版主回覆06/21/2009 23:55:00]咁啱啫！
ps：我成日喺facebook send D遊戲比你，收唔收到呀，入嚟玩吓啦！
不成龍，便成蟲，不成蝶，便成蛾。
回覆刪除[版主回覆06/24/2009 22:57:00]好詩！好詩！