攝影初哥

　　４月２７日星期日，天陰陰，雨毛毛，我地偏偏揀左今日去海洋公園，
好處係無咩人同我地爭，大部份地方都唔駛排隊。

　　今次係諾怡第二次去海洋公園，而家佢大個左，所以主力想帶佢睇多Ｄ動物，
機動遊戲？Ｎｏ　ｗａｙ！落雨？無所謂啦！

 

諾怡第一次戶外實習，攝影地點係：大人細路都咁鐘意嘅『海洋公園！！！』

 

為左大人著想，我哋教左諾怡一個好辦法，就係：將你鐘意嘅野影低，留喺相機入面，咪唔駛買囉！

 

比佢影到海獅捉衣因，哈哈！

 

有時你都估唔到佢諗咩！以上呢張係佢好認真咁對住天花板影嘅！佢話因為天花板爬左咁多草好得意喎！

 

例牌菜，都要影吓登山纜車嘅！

 

而家開始，ｄ相係由姑姐操刀勒！諾怡：做得好，鐘意就影啦，唔駛買架！

 

果日佳佳幾活潑！

 

平時咀ｇｅｌ　ｇｅｌ，坐吊車時爭ｄ喊，真係值得留念！

 

後來姑姐教佢一個方法，就係驚就大聲笑出嚟啦！你睇佢幾驚！

 

落車後又招招積積，叫佢企定定影相，就不斷扭ｐａｔ　ｐａｔ比我影！

 

忍唔住再讚你一次：ｗｅｌｌ　ｄｏｎｅ！

 

擺ｐｏｓｔ？大把貨！

 

馬騮扮馬騮，有意思！有意思！