在諾怡４歲的時候，有一後很長的時期，她每天都會提起“亞理斯”！
對於這個她每天掛在嘴邊的名字，我們一直都不以為意，想那一定是其中一套卡通的角色。
後來，與她的談話中，發現原來她的想像力這樣驚人～～
姑：其實“亞理斯”係點架？
諾：你地都見唔到佢架，佢住喺白雲上面，已經死左架勒！第二日我死左，可以上去白雲同佢住，但係爸爸媽媽姑姐就唔得勒！
姑：咁點解我哋唔可以去白雲呢？
諾：你哋大人都係唔得架，只有小朋友至得，姑姐你知道嗎，尋晚“亞理斯”先去過我地屋企，佢企左喺房門口，不過你哋唔知乍嘛！
自此，當她作惡多端時，便有了一個大大的擋箭牌～～
姑：點解你書檯咁亂架？
諾：唔係我，係“亞理斯”做嘅！佢啱啱走左勒！
又或者～～
姑：夠鐘勒！快ｄ返房瞓啦！
諾：你哋咁衰，“亞理斯”第時會懲罰你哋架！
如果未見識過她的頑皮技倆，真會以為家裏有鬼！
最近，“亞理斯”沒有再出現了，我們也沒有提，不知她長大後會不會忘記呢？但是，我不會！
