今日係2009年5月28日，又係端午節，下午我同媽咪去街市，
見到d魚仔肥嘟嘟，好得意，所以我哋買咗幾條返屋企，3條魚仔，盛惠10蚊。
你睇，佢肚dump大大，幾得意，原來，佢就嚟做媽咪勒！
嗱！呢個就係佢嘅BB勒，趣唔趣緻呀？
想睇BB出世呀？比心機等吓啦！
等到啦！睇吓D魚蛋仔？排住隊等學游水呀！
好犀利，從下面影番上嚟，睇住佢生添，幾有動感？
幾分鐘後，我就會學識游水架啦！
繼續耐心等待嘅！
2009年5月25日 星期一
2009年5月13日 星期三
童言無忌 - 2
話說，有一天，正值冬天，在69X巴士上，車內坐滿人，諾怡坐在近上車位置的橫向坐位，姑姐站在她前面，諾怡直直地、狠狠地瞪著對面坐位的方向，雖然姑姐背向對面坐位的方向，不知有甚麼特別好看，但是當然知道，諾怡又在『撩事鬥非』了。
姑：『你做咩呀？係咁望住人。』
諾〈仍然狠狠地〉：『姑姐，對面個恐龍叔叔真係好奇怪，一直笑笑口望住我！』說時一直沒有望過我。
姑：『恐龍叔叔？咁你都唔駛望住人架？無禮貌架！』心想：恐龍叔叔？一定是一個穿著恐龍T-shirt嘅人啦！
諾〈仍然狠狠地〉：『我要𥇣住佢！』
終於到站了，因為好奇心，促使姑姐在臨下車前看了恐龍叔叔一眼，看後心中一驚，但隨即又覺好笑：所謂的恐龍叔叔，其實是一個在冬天的時候，穿著緊身背心，展示雙臂長長兩行龍圖案紋身的大漢，落車的一刻，諾怡在落車前故意在樓梯邊停下，以囂張挑釁的眼光由上至下向恐龍叔叔再掃瞄一番，而對方的表情又確是似笑非笑。
親愛的小姪女：
還好當時你只有五歲；
還好當時在你身邊的是一個女流；
還好當時是繁忙時間；
還好那位叔叔的視力和觀察力可能不太好，
否則......
現在強列要求：請你不要再撩事鬥非了！
2009年5月12日 星期二
2009年5月10日 星期日
快樂周末
呢個周末，嫲嫲同嘉頤姐姐到我哋屋企玩，諾怡玩得好開心。
中午，嘉頤同佢一齊做手工，佢哋用壓花機將顏色紙壓出不同花紋，
為小王子設計靚衫，第一次用壓花機，初時覺得有D難度，
有少少想放棄，用報紙練習完，熟習咗就用色紙做！
諾怡佢等咗好耐，想嘉頤姐姐嚟同佢打羽毛球，因為係諾怡第一次打羽毛球，幾搞笑。
晚上，嘉頤姐姐決定喺度瞓一晚，好開心呢！諾怡仲第一次玩大富翁添，玩到晚上12點半，真係盡興！
中午一齊玩電腦game。
一齊合作做手工。
幫小王子設計件靚衫先，諾怡話：王子要加披肩架。
登登登登，王子出場啦！
有姿勢，至於實際......
『你咁架，唔啱架，個波都唔打落人哋個拍度，咁人哋點打呀？』〈真實對白〉
訂閱：
文章 (Atom)